Երևանում վարչապետ Նիկոլ Փաշինյանի հրաժարականի պահանջով բողոքի ակցիաները շարունակվեցին նաև այսօր`դեկտեմբերի 11–ին։
Մայրաքաղաքի տարբեր հատվածներում բողոքի ակցիայի մասնակիցներն օրվա ընթացքում փողոցներ փակեցին։
Ոստիկանները բերման են ենթարկել մոտ 40 ցուցարարի, այդ թվում՝ ՀՅԴ Հայաստանի ԳՄ ներկայացուցիչ Իշխան Սաղաթելյանին ու ՀՅԴ անդամ Գեղամ Մանուկյանին։
Երևանի մետրոպոլիտենի աշխատանքը որոշ ժամանակով կաթվածահար է եղել բողոքի ակցիայի պատճառով
Հիշեցնենք՝ նոյեմբերի 9–ին ստորագրված եռակողմ հայտարարությունից հետո ընդդիմությունը պարբերաբար բողոքի ակցիաներ է կազմակերպում Երևանում` պահանջելով Նիկոլ Փաշինյանի հրաժարականը։ Այսօր կազմակերպված ակցիայի ժամանակ ցուցարարների և ոստիկանների միջև քաշքշուկ տեղի ունեցավ, ցուցարարներից մեկի ինքնազգացողությունը վատացավ։
Ցուցարարները տեղեկացրեցին, որ անհնազանդության ակցիաները շարունակվելու են, քանի դեռ վարչապետը հրաժարական չի տվել։
Վարչապետի՝ Հայրենիքի փրկության շարժման միասնական թեկնածուն Հանրային խորհրդի նախկին նախագահ Վազգեն Մանուկյանն է։
