ԵՐԵՎԱՆ, 11 դեկտեմբերի – Sputnik. AstraZeneca բրիտանական դեղագործական ընկերությունն իր պատվաստանյութը կփորձարկի «Սպուտնիկ-V»-ի հետ համատեղ։ Տեղեկությունը հրապարակվել է բրիտանական ընկերության ռուսաստանյան ներկայացուցչության կայքում։
«Հիանալի նորություն է։ Նույնիսկ զարմանալի է, որ այդքան արագ համարձակվեցին այդ քայլն անել։ Մենք նոյեմբերի վերջին էինք առաջարկել «Սպուտնիկ V»-ն համադրել AstraZeneca պատվաստանյութի հետ, և բրիտանացիներն արդեն համաձայնություն տվեցին։ Վերջապես ինչ-որ մեկը համաձայնեց միավորել ջանքերը», - իր Telegram-ալիքում գրել է «Գովորիտ Մոսկվա» ռադիոկայանի գլխավոր խմբագիր Ռոման Բաբայանը։
Նշվում է, որ AstraZeneca-ն մտադիր է Գամալեայի կենտրոնի ու «Ռ-Ֆարմ» ուղիղ ներդրումների ռուսական հիմնադրամի հետ համագործակցությամբ հետազոտություններ անցկացնել։
Հայտնի է՝ կորոնավիրուսի դեմ պատվաստանյութի փորձարկումները երբ կավարտվեն Հնդկաստանում
««AZD1222»-ն ու «Սպուտնիկ V»-ն ստեղծվել են ադենովիրուսային վեկտորների հիմքով, որոնց մեջ ներդրված է SARS-CoV-2 վարակի փշաձև սպիտակուցը։ Միաժամանակ ադենովիրուսները միաժամանակ չեն կարող վերարտադրվել և մարդու օրգանիզմի բջիջներում գենետիկական նյութի (հակագենի) մատակարարման համակարգ է հանդիսանում», - նշված է AstraZeneca–ի ներկայացուցչության կայքում։
Ուսումնասիրություններին կմասնակցեն 18 տարեկանից բարձր կամավորները։
