ԵՐԵՎԱՆ, 9 դեկտեմբերի - Sputnik. Փոխվարչապետ Տիգրան Ավինյանի գրասենյակից հայտնում են, որ ռուսական կողմի միջնորդությամբ հայկական կողմին են փոխանցվել երեք հայ գերիներ: Տեղեկացնում են Հայկական միասնական տեղեկատվական կենտրոնից։
Հիշեցնենք` ՀՀ փոխվարչապետ Տիգրան Ավինյանն այսօր ԱԺ–ում կառավարության հետ հարցուպատասխանի ժամանակ ասել էր, որ Հայաստանն ու Ադրբեջանը ներկայացրել են գերիների իրենց ցանկերը, որոնց վերջնական հաստատումից հետո գերիներին կփոխանակեն, հայկական կողմը փորձում է այդ գործընթացն իրականացնել հնարավորինս սեղմ ժամկետներում։
Ինչ վերաբերում է անհետ կորածների հայտնաբերմանն ու զոհերի մարմինների փոխանակման պայմանավորվածությանը, Ավինյանի խոսքով, նոյեմբերի 10-ից ի վեր ռազմադաշտից դուրս է բերվել 846 մարմին, այս պահի դրությամբ անճանաչելի մարմիններից 244–ը նույնականացվել են, մարմինները հանձնվել են ծնողներին։ 154 մարմնի հետազոտություններն արված են, և անհետ կորածների հարազատների ԴՆԹ–ի հետ համընկնումներ չեն եղել, 443 նմուշ էլ դեռ հետազոտման փուլում են։
Հաստատված գերիների թիվն աճել է. Կարմիր խաչ
Հիշեցնենք, որ անհետ կորածների, գերիների ու վիրավորների թվի մասին պաշտոնական տվյալներ չկան։
Դեկտեմբերի 2-ի տվյալներով՝ Արցախի ՊԲ-ն հրապարակել է 1746 զոհվածների անունները։
