Sputnik Արմենիայի անցկացրած հարցախույզը ցույց տվեց, որ քաղաքացիների մի մասը կորցրել է քաղաքական ուժերի հանդեպ հավատը, ոմանք կարծում են, որ հրաշք պետք է լինի, որպեսզի հայերը դուրս գան այս վիճակից։
Հարցման մասնակիցներից մեկը Վազգեն Մանուկյանին համարում է ռացիոնալ քաղաքական գործիչ, երկրորդի համար միևնույնն է, թե ով կնստի վարչապետի աթոռին, երրորդն ընդհանրապես չի ճանաչում Մանուկյանին։
Բոլորի պատասխանները լսելու համար դիտեք Sputnik Արմենիայի տեսանյութը։
Հիշեցնենք՝ նոյեմբերի 9–ին ստորագրված եռակողմ հայտարարությունից հետո ընդդիմությունը պարբերաբար բողոքի ակցիաներ է կազմակերպում Երևանում` պահանջելով Նիկոլ Փաշինյանի հրաժարականը։ Դեկտեմբերի 3-ին հայտնի դարձավ, որ ընդդիմության վարչապետի թեկնածուն Վազգեն Մանուկյանն է, որը վարչապետ դառնալուն պես կասեցնելու է իր կուսակցական գործունեությունը, չի մասնակցելու առաջիկա խորհրդարանական ընտրություններին և չի հավակնելու վարչապետի պաշտոնին:
