ԵՐԵՎԱՆ, 8 դեկտեմբերի – Sputnik. Ռուս-վրացական սահմանին գտնվող «Վերին Լարս» անցակետ տանող ճանապարհը փակ է կցորդիչով և կիսակցորդիչով տրանսպորտային միջոցների համար։ Տեղեկությունը հայտնում է Վրաստանի տարածաշրջանային զարգացման և ենթակառուցվածքի նախարարության ավտոմոբիլային ճանապարհների դեպարտամենտը:
Նշվում է, որ պատճառը մերկասառույցն է: Մյուս մեքենաների համար ճանապարհը բաց է։
Ըստ հաղորդագրության՝ ավտոմեքենաների տեղաշարժն իրականացվում է պարեկային ոստիկանության հսկողությամբ։
Գուդաուրի-Կոբի հատվածում երթևեկությունն իրականացվում է ձնապաշտպան թունելներով։
Արդիականացումը չի՞ փրկի․ որն է Վերին Լարսի անցակետի խնդրի լուծումը
Հիշեցնենք՝ Կազբեկի-Վերին Լարս սահմանային անցակետով անցնող ճանապարհը Հայաստանը Ռուսաստանին կապող միակ գործող ցամաքային ճանապարհն է։
