ԵՐԵՎԱՆ, 8 դեկտեմբերի – Sputnik. Ոստիկանները Երևանի Արշակունյաց պողոտայից և Մաշտոց–Ամիրյան խաչմերուկից բերման ենթարկեցին անհնազանդության ակցիա իրականացնող տասնյակ քաղաքացիների։
Ակցիայի մասնակիցները փակել էին Արշակունյաց պողոտան և Մաշտոց–Ամիրյան խաչմերուկի երթևեկելի հատվածը և պահանջում էին ՀՀ վարչապետ Նիկոլ Փաշինյանի հրաժարականը։
Երկու դեպքում էլ ոստիկանները քաղաքացիներին 2 րոպե ժամանակ տվեցին ակցիան ինքնակամ դադարեցնելու և ճանապարհը բացելու համար։ Րոպեներ անց ոստիկանները բռնի ուժով բերման ենթարկեցին նրանց։
Հիշեցնենք` նոյեմբերի 9-ին ստորագրված եռակողմ հայտարարությունից հետո ընդդիմադիր ուժերը պահանջում են ՀՀ վարչապետ Նիկոլ Փաշինյանի հրաժարականը։ Ընդդիմադիրները մինչև այսօրվա ժամը 12։00-ն ժամանակ էին տվել Փաշինյանին, որ հրաժարական տա` վստահեցնելով, որ հակառակ դեպքում անհնազանդության ակցիաներ են անցկացնելու:
«Save եմ արել, հանձնաժողովին պետք կգա». Մարուքյանը` Սերժ Սարգսյանի ձայնագրության մասին
Այս պահին Երևանում բողոքի ակցիաներ են ընթանում։ Ցուցարարները, «Նիկո՛լ, դավաճան» վանկարկելով, փակում են Երևանի կենտրոնական փողոցները։
