ԵՐԵՎԱՆ, 8 դեկտեմբերի - Sputnik. Վրաստանի «Վերին Լարս» անցակետի ճանապարհը Ռուսաստանի հետ սահմանին բաց է բոլոր տեսակի տրանսպորտային միջոցների համար: Այս մասին հայտնում է Վրաստանի տարածքային զարգացման և ենթակառուցվածքների նախարարության ավտոմոբիլային ճանապարհների դեպարտամենտը։
7 սեպտեմբերի 2020, 18:04
Նշվում է, որ երթևեկությունը վերականգնվել է մաքրման աշխատանքների արդյունքում: Մեքենաների տեղաշարժն իրականացվում է պարեկային ոստիկանության հսկողության ներքո։
«Գուդաուրի-Կոբի հատվածում երթևեկությունը ևս իրականացվում է անկանգառ ռեժիմով ՝ ձնապաշտպան թունելներով», - նշված է հաղորդագրության մեջ:
Հիշեցնենք, որ դեկտեմբերի սկզբից Վերին Լարսը փակ էր` ձյան պատճառով, ռուսական կողմում կուտակվել էր ավելի քան 500 բեռնատար։
