ԵՐԵՎԱՆ, 7 դեկտեմբերի - Sputnik. ՀՀ վարչապետ Նիկոլ Փաշինյանն այսօր այցելել է Գյումրի՝ Սպիտակի երկրաշարժի 32-րդ տարելիցի կապակցությամբ, տեղեկացնում է Sputnik Արմենիայի թղթակիցը։
![Նիկոլ Փաշինյանը Գյումրիում է. նա այցելել է Սուրբ Ամենափրկիչ եկեղեցի. լուսանկարներ Նիկոլ Փաշինյանը Գյումրիում է. նա այցելել է Սուրբ Ամենափրկիչ եկեղեցի. լուսանկարներ - Sputnik Արմենիա](https://cdn.am.sputniknews.ru/img/07e4/0c/07/25647926_0:0:1670:1113_600x0_80_0_0_a3f9cabde1bbd922b92f02d787126d37.jpg)
Վարչապետի առաջին կանգառը եղել է Գյումրու Սուրբ Ամենափրկիչ եկեղեցում։ Նրան ուղեկցել են Շիրակի մարզպետ Տիգրան Պետրոսյանը, Գյումրու քաղաքապետ Սամվել Բալասանյանը, ԱԺ պատգամավորներ, ռուսական 102-րդ ռազմաբազայի ներկայացուցիչներ։
![Նիկոլ Փաշինյանը Գյումրիում է. նա այցելել է Սուրբ Ամենափրկիչ եկեղեցի. լուսանկարներ Նիկոլ Փաշինյանը Գյումրիում է. նա այցելել է Սուրբ Ամենափրկիչ եկեղեցի. լուսանկարներ - Sputnik Արմենիա](https://cdn.am.sputniknews.ru/img/07e4/0c/07/25648289_0:0:1670:1113_600x0_80_0_0_1a29758eddd15e51433942c474582ae1.jpg)
Վարչապետի անունից ծաղկեպսակ է դրվել եկեղեցու բակում գտնվող՝ Սպիտակի երկրաշարժի զոհերի հիշատակին կանգնեցված հուշակոթողի մոտ։
Հավելենք, որ այս անգամ լրագրողները վարչապետին մոտենալու ու հարցեր տալու հնարավորություն չեն ունեցել։
Հիշեցնենք, որ 1988 թվականի դեկտեմբերի 7-ին Հայաստանում գրանցված երկրաշարժի հետևանքով, պաշտոնական տվյալներով, զոհվել է 25 հազար մարդ, 140 հազարը հաշմանդամ է դարձել, ավելի քան 500 հազարը զրկվել է տնից։