ԵՐԵՎԱՆ, 4 դեկտեմբերի – Sputnik. Բաքվում Ֆրանսիայի դեսպան Զաքարի Գրոսին Ադրբեջանի ԱԳՆ են կանչել Ղարաբաղի վերաբերյալ Ֆրանսիայի Ազգային ժողովի ընդունած բանաձևից հետո: Տեղեկությունը հայտնում է ՌԻԱ Նովոստին:
Նախօրեին Ֆրանսիայի Ազգային ժողովը (խորհրդարանի ստորին պալատը) բանաձև է ընդունել, որով Ֆրանսիայի կառավարությանը կոչ է արվում ճանաչել Լեռնային Ղարաբաղը՝ տեղի բնակչության անվտանգությունն ապահովելու համար: Մի քանի օր առաջ նույնպիսի բանաձև է ընդունել նաև Ֆրանսիայի Սենատը (խորհրդարանի վերին պալատը)։ Երկու դեպքում էլ Ֆրանսիայի ԱԳՆ-ն հայտարարել է, որ Լեռնային Ղարաբաղի ճանաչումը չի օգնի բանակցային գործընթացին։ Սենատում այդ մասին հայտարարել է ԱԳՆ պետքարտուղար Ժան Բատիստ Լեմուանը, իսկ Ազգային ժողովում ՝ ԱԳ նախարար Ժան– Իվ լե Դրիանը:
Ֆրանսիայի խորհրդարանը Ղարաբաղը ճանաչելու կոչով բանաձև ընդունեց
Դրանից հետո դեսպանը Twitter-ի իր էջում գրառում էր կատարել։
«Մի բան պետք է պարզ լինի` Ֆրանսիան կճանաչի իր խորհրդարանի անկախությունը, բայց չի ճանաչի Լեռնային Ղարաբաղի անկախությունը»,–գրել էր նա։
I think one thing should be abundantly clear to all by now :
— Zacharie Gross (@GrossZacharie) December 4, 2020
The French government recognises the independence of its Parliament.
It does not recognise the independence of Karabagh.
Չնայած դրան, դեսպանն, այնուամենայնիվ, կանչվել է ԱԳՆ։
