ԵՐԵՎԱՆ, 3 դեկտեմբերի – Sputnik. Շվեյցարահայ գործարար Վարդան Սրմաքեշը և «Շիրակ» ֆուտբոլային ակումբի սեփականատեր Արման Սահակյանը նախատեսում են «Ռենեսանս» անվանումով բնակելի թաղամաս կառուցել Գյումրիում։ Ներդրումային ծրագրի նախագիծը հաստատվեց կառավարության այսօրվա նիստում։
Այդ նպատակով Գյումրու Կարսի խճուղու հատվածում պաշտպանության նախարարության ենթակայության տակ գտնվող ավելի քան 21 հեկտար տարածքն անհատույց օգտագործման իրավունքով կտրամադրվի «Ռենեսանս փրոջեքթ» ՍՊԸ-ին։
Ինչպես է հայը Թիֆլիսում կառուցել դղյակ, որը ճարտարապետության գլուխգործոց է հռչակվել
Բնակելի թաղամասի կառուցումը կտևի 5 տարի, ծրագրի արժեքը կկազմի 100 միլիոն դոլար։
Համապատասխան որոշման հիմնավորումներում նշված է նաև, որ հաշվի առնելով տարածքում առկա պատմամշակութային արժեքները, բնակելի շենքերը լինելու են ժամանակակից և ավանդական ճարտարապետության համադրությամբ, տարածքում կհիմնվեն նաև դպրոց, մանկապարտեզ, խաղահրապարակներ։
Երևանը հաջորդ տարի էլ կրկես չի ունենա. շինարարության ավարտը դարձյալ հետաձգվեց
