ԵՐԵՎԱՆ, 1 դեկտեմբերի – Sputnik. Այսօր` նոյեմբերի 30-ին, ՀՀ-ում Լիտվայի դեսպանությունը, համագործակցելով Հայկական Կարմիր խաչ ընկերության և տեղական իշխանությունների հետ, մարդասիրական օգնություն է տրամադրել Լեռնային Ղարաբաղի պատերազմից տուժած հայերին: Տեղեկությունը Facebook–ի իր էջում հայտնում է Հայաստանում Լիտվայի դեսպանությունը։
![Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին - Sputnik Արմենիա](https://cdn.am.sputniknews.ru/img/07e4/0c/01/25574635_0:0:1600:1066_600x0_80_0_0_44ffeb5618d373b42eabbdf39002d880.jpg)
«Պարենային փաթեթները հանձնվել են Լեռնային Ղարաբաղից ժամանակավորապես Հայաստան տեղահանված ընտանիքներին՝ նրանց առաջնային կարիքները հոգալու համար»,–նշվում է հաղորդագրության մեջ:
![Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին - Sputnik Արմենիա](https://cdn.am.sputniknews.ru/img/07e4/0c/01/25574645_0:0:1530:2040_600x0_80_0_0_5129175263eea8ef11a27f3679b2c00c.jpg)
Նշենք, որ դեսպանատան հրապարակած լուսանկարներից դատելով` արկղերում կա արևածաղկի յուղ, բրինձ, շաքարավազ, պահածոներ, խտացրած կաթ, սուրճ, թխվածքաբլիթներ և այլն։
![Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին - Sputnik Արմենիա](https://cdn.am.sputniknews.ru/img/07e4/0c/01/25574651_0:0:1600:1200_600x0_80_0_0_1172f8f0600e5438c6c9df627119ac46.jpg)
Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։
Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։