ԵՐԵՎԱՆ, 30 նոյեմբերի — Sputnik. Մաշտոցի պողոտայից, որը քաղաքացիները փակել են ՀՀ վարչապետ Նիկոլ Փաշինյանի հրաժարականի պահանջով, սկսեցին բողոքի ակցիայի մասնակիցներին բերման ենթարկել։
Նշենք, որ քաղաքացիները փակել են Մաշտոցի պողոտայի` օպերայի հարակից տարածքը։ Նրանք ոստիկաններին հորդորում են միանալ իրենց, այլ ոչ թե բերման ենթարկել։
«Երեխեքիդ աչքերին ինչպես են նայելու գիշերը։ Ի՞նչ ես ասելու»,–ոստիկաններից մեկին դիմեց բողոքի ակցիայի մասնակիցներից մեկը։
Մեկ ուրիշն էլ, ոստիկանին դիմելով, հարցրեց, թե իմ ու քո հայրենիքը նո՞ւյնը չէ։ Ի պատասխան ոստիկանն ասաց` նույնն են։ Ցուցարարն էլ հավելեց, որ եթե այդպես է, ապա պետք է մտածի, որ ձեռքից կորցնում ենք մեր հայրենիքը։
Բողոքի ակցիա անողները սկսեցին խաղաղ երթ անցկացնել, սակայն ոստիկանությունը դա էլ չթույլատրեց` նրանց նորից բերման ենթարկելով։
ՀՅԴ–ական պատգամավոր Բագրատ Եսայանը, որը նույնպես մասնակցում էր բողոքի ակցիային, իր դժգոհությունը հայտնեց կատարվածի առնչությամբ։
Քոչարյանի գրասենյակը ցույց է տալիս, որ գործող վարչապետը ստում է
«Մայթից գողանում և ոստիկանության բաժին են բերման ենթարկում։ 7-8 հոգու բերման են ենթարկել դեռ Մաշտոցի պողոտայից, իսկ խաղաղ երթի ժամանակ` 4 մարդու։ Սա դեռ միայն իմ տեսածն է»,–ասաց Եսայանը։
Ոստիկաններն այս պահին պատ են կազմել` թույլ չտալով խաղաղ երթ իրականացնել։
