ԵՐԵՎԱՆ, 29 նոյեմբերի - Sputnik. Արցախի տարածքում միջշրջանային ավտոճանապարհները հիմնականում անցանելի են, հայտնում է Արցախի Հանրապետության Արտակարգ իրավիճակների պետական ծառայությունը։
Տեղացած ձյան պատճառով դժվարանցանելի է Սիսիան-Գորիս-Բերձոր միջպետական ավտոճանապարհը: Որոշ հատվածներում առկա է թույլ տեսանելիություն:
Նշենք, որ Հայաստանի տարածքում դժվարանցանելի են Արագածոտնի մարզի Ամբերդ ամրոց և Քարի լիճ տանող ճանապարհներ
Սյունիքի մարզում՝ բացառությամբ Մեղրի քաղաքի, տեղում է ձյուն։ Վարորդներին խորհուրդ է տրվում երթևեկել բացառապես ձմեռային անվադողերով:
