ԵՐԵՎԱՆ, 26 նոյեմբերի – Sputnik. Բելգիայի խորհրդարանը կքննարկի Արցախի հետ դիվանագիտական հարաբերություններ հաստատելու հարցը։ Համապատասխան բանաձևի նախագիծը, որը ներկայացրել է պատգամավոր Պետեր դե Ռովերը, ներկայացվել է ներկայացուցիչների պալատ (Բելգիայի խորհրդարանի ստորին պալատ) նոյեմբերի 18–ին և քննարկվելու է խորհրդարանի արտաքին կապերի հանձնաժողովում նոյեմբերի 30-ին։
Ըստ նախագծի` Բելգիայի կառավարությանը կոչ է արվում բարեկամանկան կապեր հաստատել ԼՂՀ–ի հետ (որը նախագծի տեքստում նշված է որպես Արցախի Հանրապետություն), ինչպես նաև բարի կամք դրսևորել այդ հանրապետության ղեկավարների նկատմամբ` դիվանագիտական հարաբերություններ հաստատելու համար։
Նախագծում Բելգիայի կառավարությանը կոչ է արվում Արցախի ղեկավարության կողմից դրական դիրքորոշման դեպքում բանակցություններ սկսել` Բելգիայում Արցախի դիվանագիտական ներկայացուցչություն հիմնելու համար։ Այն պետք է ունենա դիվանագիտական կարգավիճակ` համեմատելի այլ չճանաչված պետությունների ներկայացուցչությունների հետ։
Ավելի վաղ բելգիացի խորհրդարանականներն արդեն կազմել են երկու այլ բանաձև` ի աջակցություն Արցախի տուժած բնակչության (ավելի մանրամասն` այստեղ)։
«Ես ճանաչում եմ Արցախը», կամ Հայաստանի բաց թողած հնարավորությունը
