ԵՐԵՎԱՆ, 23 նոյեմբերի – Sputnik. ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն ծննդյան տարեդարձի կապակցությամբ շնորհավորական հեռագիր է հղել ՀՀ Ազգային ժողովի նախագահ Արարատ Միրզոյանին: Տեղեկությունը հայտնում է ՀՀ ԱԺ մամուլի ծառայությունը։
«Շնորհավորելով Արարատ Միրզոյանին՝ Վալենտինա Մատվիենկոն վստահություն է հայտնել, որ Ազգային ժողովի նախագահի անձնական հատկանիշները կօգնեն հաղթահարել Հայաստանի համար դժվար ժամանակները»,–ասված է հայտարարության մեջ:
Հեռագրի ավարտին Դաշնային խորհրդի նախագահը շուտափույթ ապաքինում է մաղթել Ազգային ժողովի նախագահին:
Նշենք, որ այսօր ՀՀ ԱԺ նախագահ Արարատ Միրզոյանի 41–ամյակն է։ Նա ծնվել է 1979թ.–ի նոյեմբերի 23–ին, Երևանում։
