ԵՐԵՎԱՆ, 23 նոյեմբերի – Sputnik. ՀՀ աշխատանքի և սոցիալական հարցերի նորանշանակ նախարար Մեսրոպ Առաքելյանը Facebook-ում գրառում է արել, որով պարզաբանում է ներկայացրել արցախյան պատերազմում վիրավորված զինվորներին հաշմանդամության կարգի տրամադրման վերաբերյալ։
Նախարարը նշել է, որ ամբողջ գործընթացը կազմակերպվելու է Աշխատանքի և սոցիալական հարցերի նախարարության միջոցով։
«Որևէ զինվոր կամ ընտանիքի անդամ անհրաժեշտություն չունի այցելել որևէ վայր` դիմում գրելու կամ փաստաթուղթ ներկայացնելու համար»,– հայտնել է Առաքելյանը։
Հիշեցնենք` մինչ այս հայտարարվել էր, որ հաշմանդամ դարձած արցախցի զինծառայողները պետք է հիվանդանոցային համապատասխան տեղեկագրով ներկայանան Հայաստանում Արցախի կառավարության օպերատիվ շտաբի սոցաջակցության բաժին՝ հաշմանդամության կարգի և ընթացիկ այլ հարցերի վերաբերյալ համապատասխան աշխատանքները կազմակերպելու նպատակով։
Նշվել էր նաև, որ հաշմանդամության կարգի և ընթացիկ այլ հարցերի վերաբերյալ աշխատանքներով զբաղվում է Հայաստանում Արցախի կառավարության օպերատիվ շտաբի սոցաջակցության բաժինը։
Զոհված և հաշմանդամ դարձած զինծառայողների ընտանիքներն ամեն ամիս 100-300 հազար դրամ կստանան
