ԵՐԵՎԱՆ, 23 նոյեմբերի – Sputnik. ՀՀ պաշտպանության նախարարի տեղակալ Գաբրիել Բալայանն ազատվել է աշխատանքից: Պաշտպանության նախարարության շենքի մոտ բողոքի ակցիա անող անհետ կորած զինծառայողների ծնողներին տեղեկությունը հայտնեց ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։
Անհետ կորած զինծառայողների ծնողները պահանջում են, որպեսզի պատասխանատու անձինք ընդունեն իրենց և հայտնեն` ո՞ւր են իրենց երեխաները։ Քոչարյանը հայտնել էր` այսօր կառավարությունում քննարկում կլինի և ժամը 16։30-ին անհետ կորած զինծառայողների ծնողներին կասեն`ինչ է արված և ինչ է արվելու։
Երբ անհետ կորած զինծառայողներից մեկը հայրը Անդրանիկ Քոչարյանին հարցրեց, թե ինչու փոխնախարար Գաբրիել Բալայանը չի իջնում և լսում իրենց, Քոչարյանն ի պատասխան նշեց. «Բալայանն ազատվել է աշխատանքից»։
Սակայն ծնողները հայտնեցին, որ դա պատճառ չէ, որ նա չներկայանա իրենց։
Վանեցյանը նշել է ԱԱԾ նախկին տնօրեն Միքայել Համբարձումյանի հրաժարականի պատճառը
«Հիմա ազատվել է, էն ժամանակ, երբ մեր տղերքը կռվում էին, աշխատել է»,–ասաց ծնողներից մեկը։
Նշենք, որ Բալայանի` աշխատանքից ազատման հրաման դեռ չի հրապարակվել:
Հիշեցնենք, որ աշխատանքից ազատվել է նաև պաշտպանության նախարար Դավիթ Տոնոյանը։
Պատրաստ եմ կրելու իմ բաժին պատասխանատվությունը. Դավիթ Տոնոյան
