ԵՐԵՎԱՆ, 23 նոյեմբերի – Sputnik. Արցախյան պատերազմում անհետ կորած զինծառայողների 25 ծնողներ այսօր հանդիպել են ՀՀ վարչապետ Նիկոլ Փաշինյանի հետ։ Հանդիպումից հետո ծնողներից մեկը լրագրողներին ասաց, որ հենց այս պահից սկսած ակտիվ աշխատանք է տարվում անհետ կորած, գերեվարված զինծառայողներին հայտնաբերելու ուղղությամբ։
«Վարչապետը նշեց, որ մինչ տարածքները Ադրբեջանին հանձնելը որոնողական մեծամասշտաբ աշխատանքներ են տարվում։ Մինչև դեկտեմբերի 1–ը ժամանակ ունենք։ Այս պահի դրությամբ ես գոհ եմ վարչապետի հետ հանդիպումից»,–ասաց կինը։
Հիշեցնենք, որ նոյեմբերի 19-ի տվյալներով՝ Արցախի ՊԲ-ն հրապարակել է հայկական կողմի 1678 զոհվածների անունները։
Գերիների և անհետ կորածների թեման շահարկվում է կառավարության բացթողումները ծածկելու համար
Անհետ կորածների հարազատները տևական ժամանակ բողոքի ակցիաներ են անում` դժգոհելով կառավարության աշխատանքից։
Դուք եկել եք՝ խաբեք, գնաք տուն. անհետ կորածների ծնողները դժգոհ են կառավարության աշխատանքից
