ԵՐԵՎԱՆ, 22 նոյեմբերի - Sputnik. Արարատի մարզպետ Գարիկ Սարգսյանը այցելել է ռուսական ուղղաթիռի ընկնելու վայրը և հայտնել իր աջակցությունը կապված այդտեղ տեղադրվելիք հուշարձանի նախաձեռնության հետ։ Տեղեկությունը հայտնում է Ռուսաստանի զինված ուժերի հարավային ռազմական օկրուգի մամուլի ծառայությունը։
Հաղորդագրության մեջ նշվում է, որ Արարատի մարզի Երասխ գյուղի հարևանությամբ` ադրբեջանական ԶՈւ–ի կողմից նոյեմբերի 9-ին խոցված ռուսական ուղղաթիռի ընկնելու վայրում, կտեղադրվի հուշարձան։ Հուշարձանի տեղադրման նախաձեռնությունը միջազգային մարդասիրական «Խաղաղություն» հիմնադրամինն է։
Մինչև հուշարձանի տեղադրումը այդտեղ նոյեմբերի վերջին ժամանակավոր հուշատախտակ կտեղադրվի։
Հիշեցնենք` ռուսական ուղղաթիռի անձնակազմի երկու զինծառայողներ` մայոր Յուրի Իշչուկը և ավագ լեյտենանտ Ռոման Ֆեդինան զոհվել էին, իսկ ավագ լեյտենանտ Վլադիսլավ Գրյազինը ծանր վիճակում հիվանդանոցում է։
Ուղղաթիռ խոցելն ակնհայտ ագրեսիա է Հայաստանի և Ռուսաստանի վրա. Վաղարշակ Հարությունյան
