ԵՐԵՎԱՆ, 19 նոյեմբերի - Sputnik. Ֆրանսիայի Սենատը Արցախի Հանրապետության անկախության ճանաչման բանաձևի նախագիծը կքննարկի նոյեմբերի 25-ին: Տեղեկությունը հայտնում է սենատոր և նախագծի համահեղինակ Բրունո Ռեթայլոն։
«Միայն անկախությունը կարող է երաշխավորել Արցախի բնակչության իրավունքներն ու ազատությունները թուրքական իսլամիստական էքսպանսիոնիզմի դեմ», - Twitter-ի իր էջում գրել է նա։
Le 25/11, le Sénat examinera une résolution proposant la reconnaissance par la République française de la République d’Artsakh. Seule son indépendance peut garantir durablement les droits et libertés des populations du Haut Karabakh face à l’expansionnisme islamiste turc. pic.twitter.com/97yFQxQ02r
— Bruno Retailleau (@BrunoRetailleau) November 18, 2020
Նախագիծը ներկայացրել են տարբեր խմբակցությունների անդամ հինգ սենատորներ՝ Բրունո Ռեթայլոն (հանրապետականների ղեկավար), Պատրիկ Կանները, Էրվե Մարսելը («Ցենտրիստների միություն» խմբի ղեկավար), ինչպես նաև Էլիան Ասասին և Գիոմ Գոթարը:
Հիշեցնենք՝ հոկտեմբերի կեսին Լեռնային Ղարաբաղը ճանաչելու մասին նախագիծ էր ներկայացվել նաև խորհրդարան, այսինքն՝ Ֆրանսիայի խորհրդարանի ստորին պալատ:
Երկու օրինագծերն էլ առաջարկում են ճանաչել Լեռնային Ղարաբաղի անկախությունը՝ սեպտեմբերի 27-ին ռազմական ագրեսիա սկսած Ադրբեջանի կողմից պատերազմի սպառնալիքից ԼՂ բնակչությանը պաշտպանելու համար:
Հայաստանին մարդասիրական օգնություն ցուցաբերելու համար Ֆրանսիայում հանձնախումբ կստեղծվի
