ԵՐԵՎԱՆ, 17 նոյեմբերի – Sputnik. ՀՀ փոխարտգործնախարարի պաշտոնից ազատված Շավարշ Քոչարյանը Twitter–ի իր էջում հրապարակել է պաշտոնից ազատվելու դիմումի լուսանկարը։
«Խնդրում եմ ընդունել իմ հրաժարականը ՀՀ արտաքին գործերի նախարարի տեղակալի պաշտոնից» գրված է տեքստում։ Իսկ ներքևում նշված է ամսաթիվը` նոյեմբերի 10։
Ընդունվեց իմ նոյեմբերի 10-ի հրաժարականը՝ ԱԳ նախարարի տեղակալի պաշտոնից:
— Shavarsh Kocharyan (@Sh_Kocharyan) November 17, 2020
Принято мое заявление об отставке с должности заместителя министра иностранных дел.
My resignation from the post of the Deputy Foreign Minister has been accepted. pic.twitter.com/nNxKqUMRfy
Հիշեցնենք` ՀՀ վարչապետի մամուլի ծառայությունն այսօր հայտնեց, որ Նիկոլ Փաշինյանը Շավարշ Քոչարյանին ազատել է Հայաստանի Հանրապետության արտաքին գործերի նախարարի տեղակալի պաշտոնից:
Քոչարյանի` պաշտոնից հրաժարվելու մասին տեղեկություններ էին տարածվել դեռ երեք օր առաջ` նոյեմբերի 14-ին, սակայն ԱԳՆ մամուլի խոսնակը Sputnik Արմենիային հայտնել էր, որ նա շարունակում է կատարել իր պարտականությունները։
Շավարշ Քոչարյանը Հայաստանի Հանրապետության արտաքին գործերի նախարարի տեղակալի պաշտոնը զբաղեցնում էր 2008 թ. օգոստոսի 2-ից։
Մինչ այդ նա չորս գումարման պատգամավոր է եղել։
Նշենք, որ երեկ պաշտոնից ազատվելու դիմում էր ներկայացրել նաև ՀՀ արտգործնախարար Զոհրաբ Մնացականյանը։ Այսօր նա հրաժեշտ է տվել ԱԳՆ անձնակազմին։
