ԵՐԵՎԱՆ, 17 նոյեմբերի — Sputnik. Այսօր, ժամը 16։00-ին նախանշված ՀՀ ԱԺ խորհրդի նիստը չի կայացել` քվորումի բացակայության պատճառով։
Քվորում ապահովելու համար պակասել է իշխանական պատգամավորների 2 ձայն։ Իշխող «Իմ քայլը» խմբակցության անդամներից նիստին ներկա է եղել միայն ՀՀ ԱԺ նախագահի տեղակալ Լենա Նազարյանը, որը և պետք է վարեր նիստը։
Այնուհանդերձ, Ազգային ժողովի Կանոնակարգ օրենքի համաձայն, խորհրդի նիստը դեռ երկու ժամ բաց կմնա։ Եթե այդ ընթացքում բացակա 2 պատգամավորները ներկայանան և քվորում ապահովեն, նիստը կարող է կայանալ։
«Լուսավոր Հայաստանի» ղեկավար Էդմոն Մարուքյան Sputnik Արմենիայի հետ զրույցում ասաց, որ իմքայլականները նիստին այնուամենայնիվ չեն ներկայանա, քանի որ Լենա Նազարյանը հայտարերել է, որ խմբակցությունը որոշում է կայացրել խորհրդին նիստին չմասնակցել։
Նշենք, որ խորհրդի նիստում նախատեսվում էր հաստատել ԱԺ արտահերթ նիստ հրավիրելու մասին ընդդիմության առաջարկը։
Հիշեցնենք` ընդդիմադիր «Բարգավաճ Հայաստան» ու «Լուսավոր Հայաստան» խմբակցություններն այս նախաձեռնությամբ առաջարկում էին խորհրդարանի արտահերթ նիստում քննարկել ՀՀ–ում հայտարարված ռազմական դրությունը չեղարկելու հարցը։
Ընդդիմությունը բոյկոտեց նիստը. Հայաստանին սպառնում է 16 մլն եվրո տուգանք
Այսօր ԱԺ հերթական նիստի ժամանակ ընդդիմությունը հայտարարել էր, որ նախաձեռնում է ԱԺ արտահերթ նիստ՝ այսօր 18:30-ին՝ արտակարգ դրության իրավական ռեժիմի չեղարկման հարցով:
Լենա Նազարյանի ելույթն իրարանցում առաջացրեց դահլիճում. հայտարարվեց ընդմիջում
Բանն այն է, որ ՀՀ վարչապետին անվստահություն հայտնելու իրավական գործընթացը նախատեսված է ՀՀ Սահմանադրության 115-րդ հոդվածով, որի վերջին` 4-րդ կետը, սակայն, արգելում է ռազմական դրության ժամանակ վարչապետին անվստահություն հայտնելու մասին Ազգային ժողովի որոշման նախագիծ ներկայացնելն ու քննարկելը։
