ԵՐԵՎԱՆ, 16 նոյեմբերի - Sputnik. Միֆ է, թե հայ–ռուսական հարաբերությունների հետ ինչ–որ բան այն չէր, դրա համար էլ այսօր ունենք նման իրավիճակ։ ԱԺ պատգամավորների հետ հանդիպմանը հայտարարեց ՀՀ վարչապետ Նիկոլ Փաշինյանը` անդրադառնալով հայ-ռուսական հարաբերություններին։
«Վերջին 5 տարվա ընթացքում ՌԴ դիրքորոշումը ոչ մի փոփոխություն չի կրել։ Չգիտեմ ինչու իմ այս` նախկինում էլ արած հայտարարությունը ոչ մի ուշադրության չարժանացավ»,–ասաց Փաշինյանը։
Նրա խոսքով` հայ–ռուսական հարաբերությունները եղել են, կան ու կմնան դաշնակցային։ Փաշինյանը հավելեց` սրանում որևէ մեկը որևէ կասկած թող չունենա։
Վարչապետն ասաց` միֆ կա նաև, թե այլ հնարավորություն է եղել, որ ինքը հրաժարական տա ու պատերազմի ընթացքը փոխվի։ Սակայն վարչապետն ասաց` դա ընդամենը միֆ է։
Ռուսական խաղաղապահ կորպուսի հրամանատարն ու Արցախի նախագահը հարցեր են քննարկել
Հիշեցնենք, որ ԱԺ ընդդիմադիր՝ «Բարգավաճ Հայաստան» ու «Լուսավոր Հայաստան» խմբակցությունները հրաժարվել են մասնակցել վարչապետի հետ հանդիպմանը։
