ԵՐԵՎԱՆ, 13 նոյեմբերի – Sputnik. ՀՀԿ խոսնակ Էդուարդ Շարմազանովին հրավիրել են Հատուկ քննչական ծառայությունը։ Նա այդ մասին հայտնել է Facebook սոցցանցի իր էջում։
«2.5 տարի պայքարել եմ ու պայքարելու եմ ապազգայնության ու պարտվողականության դեմ։ Մեզ բռնելով չեք վախեցնելու։ Այս իշխանությունը հայտնվելու է հայ ժողովրդի պատմության աղբանոցում, ինչպես հայտնվել են Անիի Բագրատունյաց թագավորությունը հակառակորդին կտակած Հովհաննես-Սմբատն ու Կարսը թուրքին զիջողները»,–գրել է Շարմազանովը։
Նրա խոսքով` հաղթանակ խոստացող, բայց պատերազմ ու պարտություն բերած պոպուլիստը պետք է ինքնակամ ու անցնցում հեռանա։
Հիշեցնենք, որ նոյեմբերի 11-ին Շարմազանովը ձերբակալվել էր, սակայն երեկ երեկոյան նա ազատ արձակվեց։ ՀՔԾ են հրավիրվել նաև «Հայրենիք» կուսակցության ղեկավար Արթուր Վանեցյանն ու ՀՅԴ–ական Իշխան Սաղաթելյանը, որոնք նույնպես ձերբակալվել և ազատ էին արձակվել։
Ազատության հրապարակի հանրահավաքի կազմակերպիչների դեմ քրգործ է հարուցվել. ՀՔԾ
