ԵՐԵՎԱՆ, 10 նոյեմբերի – Sputnik. Արցախի Մարդու իրավունքների պաշտպան Արտակ Բեգլարյանը Facebook-ում գրել է, որ շարունակելու է իր պայքարը արցախցիների իրավունքների պաշտպանության համար։
«Այսօր իմ կյանքի ամենավատ օրն էր՝ մեղքի, արժանապատվության ու այլ սուր զգացողություններով։ Սակայն նշեմ, որ անկախ մարդու իրավունքների կեղծ միջազգային օրակարգի հանդեպ իմ մեծ հիասթափությունից, ես շարունակելու եմ իմ պայքարը արցախցիների իրավունքների պաշտպանության նպատակով՝ թե՛ ներքին, թե՛ արտաքին ուղղություններով», – գրել է Բեգլարյանը։
Բացի այդ, չնայած կատարվածին` Արցախի օմբուդսմանը չի պատրաստվում լքել Ստեփանակերտը։
«Անտարակույս, ընտանիքիս հետ շարունակելու եմ բնակվել ու արարել իմ հայրենի հողում: Մեր սերունդը մեծ պարտքեր ունի տալու մեր նախորդ ու հաջորդ սերունդներին», – գրել է Բեգլարյանը։
Նրա խոսքով` ավելի սթափ գլխով պետք է մանրամասն վերլուծել ու անդրադառնել անցած 44-օրյա մղձավանջի պատճառներին ու հանգամանքներին` հետագա հաջողությունների համար:
Խաղաղապահների տեղակայումը Ղարաբաղում կատարվել է միջազգային իրավունքի շրջանակում. Զախարովա
«Խելացի, համատեղ ու հետևողական ջանքերի միջոցով կարելի է հասնել ցանկացած նպատակի, առավել ևս, երբ այն ազնիվ ու արդար է», – գրել է Բեգլարյանը։
Նոյեմբերի 10-ի կեսգիշերին ՀՀ վարչապետ Նիկոլ Փաշինյանը, ՌԴ նախագահ Վլադիմիր Պուտինը ու Ադրբեջանի նախագահ Իլհամ Ալիևը ստորագրել են հայտարարություն, որի համաձայն, ռազմական գործողությունները Ղարաբաղյան հակամարտության գոտում դադարեցվում են, Ադրբեջանին հանձնվում են 5+2 շրջաններ և Շուշի քաղաքը, Արցախի մնացած հատվածում տեղակայվում են ռուս խաղաղապահներ։
Արցախ է ուղևորվում ՌԴ խաղաղապահների հերթական զորակազմը․ տեսանյութ
