ԵՐԵՎԱՆ, 9 նոյեմբերի – Sputnik. Արդեն մի քանի օր է` Գյումրու Վարդան Աճեմյանի անվան պետական դրամատիկական թատրոնն արհեստանոցի է վերածվել. կարի մեքենաներ են ձեռք բերել ու ողջ աշխատակազմով ձմեռային գլխարկներ են կարում առաջնագծում կռվող տղաների համար:
![Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար - Sputnik Արմենիա](https://cdn.am.sputniknews.ru/img/07e4/0b/08/25230917_0:0:1411:916_600x0_80_0_0_514e0191c9ecafef80a23b3915b3a377.jpg)
Գլխարկների առաջին խմբաքանակն արդեն պատրաստ է և շուտով կհասնի զինվորներին: Գաղափարը թատրոնի մենեջմենթի գծով փոխտնօրեն Տիգրան Բարսեղյանին էր։ Նրա առաջարկը մի գաղափարի շուրջ միավորեց բոլորին՝ դերձակից մինչև դերասան, տեխնիկական սպասարկողից մինչև հսկիչ:
![Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար - Sputnik Արմենիա](https://cdn.am.sputniknews.ru/img/07e4/0b/08/25230912_0:0:1500:1000_600x0_80_0_0_aa0e3fd525a98113b1266dcb0470aea9.jpg)
«Թատրոնի աշխատակազմը սեպտեմբերի աշխատավարձից ներդրում է արել, գումարն ուղարկել «Հայաստան» համահայկական հիմնադրամին, այնուհետև նախաձեռնել ենք հումքի գումար հավաքելու և զինվորների համար տաք գլխարկներ կարելու գործը։ Սկզբում այստեղից–այնտեղից կարի մեքենաներ ենք ճարել, դրանք տեղափոխել թատրոնի արտադրամաս, ծանոթացել գլխարկի սովորական ձևվածքին ու սկսել արագ կարել»,- Sputnik Արմենիային պատմում է Տիգրան Բարսեղյանը` հավելելով թատրոնը «Վերելք» ներկայացման ողջ հասույթը ևս փոխանցում է «Հայաստան» համահայկական հիմնադրամին:
![Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար - Sputnik Արմենիա](https://cdn.am.sputniknews.ru/img/07e4/0b/08/25230932_0:0:1388:923_600x0_80_0_0_14437948eccf299c7a4aedecf2ab83f7.jpg)
Գաղափարն առաջինը ողջունել է թատրոնի վաստակաշատ դերձակ Ռուդիկ Ոսկանյանը: Ավելի քան 40 տարի թատերական զգեստներ կարող դերձակի գլխավորությամբ գլխարկները ձևում և կարվում են: Ավելին, դերձակը նաև պատրաստ է թեթև անձրևանոցներ կարելու աշխատանքները ղեկավարել:
«Մեզ ոչինչ չի հաղթի». նոր տեսահոլովակի ողջ հասույթը կուղղվի հայ զինվորին
«Ոգևորությունը շատ մեծ է, օգնող ձեռքերը՝ շատ: Հաղթանակի համար գիշեր-ցերեկ պատրաստ ենք աշխատել»,-վստահեցնում է դերձակը:
![Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար Թատրոնի պահին` դերասան, ազատ ժամին` դերձակ. Գյումրիում տաք գլխարկ են կարում զինվորի համար - Sputnik Արմենիա](https://cdn.am.sputniknews.ru/img/07e4/0b/08/25230927_0:0:1467:1000_600x0_80_0_0_b94c09921048b863b84bbcb3f7b3b197.jpg)
Աճեմյանցիներն արդեն մի քանի օր է, ինչ ներկայացումների ժամանակ խաղում, իսկ ազատ ժամանակ կարում են՝ կարևորը զինվորը թիկունքի ջերմությունը զգա:
Բացառիկ կադրեր. զինվորները կրակոցների տակ մարտի դաշտից դուրս են բերում վիրավոր ընկերներին