ԵՐԵՎԱՆ, 7 նոյեմբերի – Sputnik. ՀՀ ՊՆ մամուլի քարտուղար Շուշան Ստեփանյանը Facebook-ում լուսանկար է հրապարակել, որում 4 երիտասարդ զինվորներ անկեղծ ուրախությամբ ժպտում են։ Պարզվում է, որ տղաները նորօրյա հերոսներից են։
«Չորսով խոցել են հակառակորդի մարդուժը տեղափոխող 6 «փիքափ»»,– լուսանկարին կից գրել է Ստեփանյանը։
Լուսանկարի հեղինակն արցախյան պատերազմը վավերագրող լուսանկարիչ Սիփան Գյուլումյանն է, որն Արցախյան պատերազմի օրերին սկսել է իրականացնել «ArmyPhoto» նախագիծը։
Նշենք, որ ԱՀ պաշտպանության բանակը պարբերեբար ներկայացնում է մեր տղաների սխրանքների մասին պատմությունները։ Նրանցից շատերն արդեն պարգևատրվել են պետության կողմից։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 6-ի ժամը 19։00-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7405 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 257 անօդաչու թռչող սարք, 16 ուղղաթիռ, 25 ինքնաթիռ, 736 զրահատեխնիկա, 6 ՏՈՍ համակարգ։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում
