ՀՀ ՊՆ խոսնակ Շուշան Ստեփանյանը Facebook–ի իր էջում հրապարակել է բացառիկ հարցազրույց Հայաստանի ազգային հերոս, գնդապետ Գարեգին Պողոսյանի հետ, որը պատերազմական օրերին ցուցաբերած բացառիկ արիության համար ՀՀ նախագահի կողմից պարգևատրվել է «Հայրենիքի» շքանշանով։
«Հաղթելու ենք։ Թող համոզված լինեն բոլորը, որ հայկական բանակը հզոր է, ամուր է, կանգուն է և պատրաստ է իր առջև դրված մարտական խնդիրները կատարելու»,–ասում է գնդապետը։
Նա նշում է, որ անձնակազմի շրջանում տարվում են աշխատանքներ, որ լինեն միասնական ու զգույշ։ Գնդապետ Պողոսյանը նշում է, որ իրենց առաջ խնդիր են դրել վերադարձնել այն տարածքները, որտեղից ստիպված են եղել նահանջել, հասնել այն խրամատներին, որտեղ իրենք են եղել և ինչու ոչ` նաև առաջ շարժվել։
«Հակառակորդը պետք է հասկանա, որ չի կարող հաղթել հային։ Հայը միշտ մնալու է», –ասում է գնդապետը։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 5-ի ժամը 15։00-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7290 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 257 անօդաչու սարք, 16 ուղղաթիռ, 25 ինքնաթիռ, 723 զրահատեխնիկա, 6 ՏՈՍ համակարգ։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում
