ԵՐԵՎԱՆ, 5 նոյեմբերի - Sputnik. Արցախի արտակարգ իրավիճակների պետական ծառայության փրկարար ուժերի վարչության պետ, փոխգնդապետ Մեխակ Արզումանյանը ՌԻԱ Նովոստիին հայտնել է, որ Ադրբեջանի զինված ուժերի գործողությունների պատճառով Արցախի տարածքում վնասվել են ավելի քան 14 հազար տարբեր շինություններ:
«Ավելի քան 1,3 հազար հանրային շինություն է վնասվել և ավելի քան 13 հազար մասնավոր շենք-շինություններ»,- նշել է նա։
Արզումանյանը խոսել է նաև Արցախի մայրաքաղաքում մնացած բնակչության քանակի մասին։ Ինչպես հայտնի է, շատ ընտանիքներ ժամանակավորապես տեղափոխվել են Հայաստանի տարածք։
«Ստեփանակերտում է մնացել խաղաղ բնակչության 30-40 տոկոսը»,- ասել է նա։
Փոխգնդապետն ավելացրել է, որ պատերազմի սկզբից ի վեր ԱԻՆ-ի երկու աշխատակիցներ զոհվել են, ևս 13-ը վիրավորվել մասնագիտական պարտականությունները կատարելիս:
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 5-ի ժամը 15։00-ի դրությամբ` հակառակորդի կրակոցների հետևանքով հայկական կողմից զոհվել են 1177 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7290 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 257 անօդաչու սարք, 16 ուղղաթիռ, 25 ինքնաթիռ, 723 զրահատեխնիկա, 6 ՏՈՍ համակարգ։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում
