ԵՐԵՎԱՆ, 4 նոյեմբերի — Sputnik. ՀՀ քննչական կոմիտեի նախագահ Հայկ Գրիգորյանը մեկնել է Արցախ` կոմիտեի կամավորներ հետ միասին։ Ազգային ժողովում լրագրողների հետ ճեպազրույցում ասաց ՔԿ նախագահի տեղակալ Արթուր Մելիքյանը։
«Մենք էլ` ինչպես մյուսները, բոլոր միջոցառումներին ներգրավված ենք։ Պարոն Գրիգորյանն Արցախ է մեկնել առաջին վաշտի հետ` նա անձամբ տեղում ղեկավարում է կոմիտեի կամավորների աշխատանքները»,–ասաց Մելիքյանը։
Նրա խոսքով` դեռ նախորդ շաբաթ 180 քննիչներ են կամավորագրվել Արցախ մեկնելու համար։ Նրանք վարժանքների են մասնակցել։ Մելիքյանը հայտնեց` կոմիտեի քննիչների ևս մեկ վաշտ էլ այս շաբաթ կմեկնի առաջնագիծ։
ՔԿ նախագահի տեղակալը վստահեցրեց, որ քննիչների Արցախ մեկնելով կոմիտեի բնականոն աշխատանքը չի խաթարվի։ Մելիքյանը հայտնեց նաև, որ կան կամավորագրված քննիչներ, որոնց թույլ չեն տալիս մեկնել, քանի որ դատավարական առումով գործառույթներ կան, որոնք պիտի ավարտին հասցնեն։
Արցախից Երևան տեղափոխված զենքի դեպքերով 9 քրգործ կա հարուցված. ի՞նչ վարկածներ կան
Ի դեպ, այս պահին ՔԿ նախագահի ժամանակավոր պաշտոնակատարը հենց Արթուր Մելիքյանն է։
