ԵՐԵՎԱՆ, 4 նոյեմբերի — Sputnik. Ադրբեջանի նախագահ Իլհամ Ալիեւը իտալական «La Repubblica» թերթին տված հարցազրույցում հայտարարել է, որ Բաքուն պատրաստ է դադարեցնել պատերազմը Ղարաբաղում, սակայն կրկին պայման է դրել: Ադրբեջանի ղեկավարը կարծում է, որ Երևանը պետք է պարտավորություն ստանձնի «զորքերը դուրս բերել օկուպացված տարածքներից»:
Ալիևը նաև ընդգծել է, որ որքան շուտ ավարտվի պատերազմը, այնքան լավ կլինի։
Խոսելով փոխզիջումների մասին` Ադրբեջանի նախագահը նորից կրկնել է, որ Երևանի փոխզիջումը պետք է լինի «բոլոր գրավյալ տարածքներից զորքերի լիակատար դուրսբերումը»:
«Կարգավորման հիմնարար սկզբունքներում ասվում է, որ սկզբում պետք է հանձնվեն հինգ շրջաններ, իսկ հետո ՝ երկուսը։ Մենք արդեն ազատագրել ենք դրանցից չորսը։ Հիմա Փաշինյանը պետք է ասի, որ զորքերը պետք է դուրս բերվեն Աղդամի, Քելբեջարի, Լաչինի շրջանների տարածքներից», - ասել է Ալիևը։ Հիմա Ադրբեջանի նախագահն է սպասում վարչապետ Նիկոլ Փաշինյանի հայտարարությանը ՝ մեղադրելով ՀՀ առաջնորդին պատերազմը ձգելու մեջ։
Սակայն, Ալիևը մոռանում է, որ Հայաստանի իշխանությունները բազմիցս հայտարարել են, որ Ղարաբաղյան հակամարտությունը կարող է կարգավորվել միայն խաղաղ ճանապարհով։ Երևանը ընդունել է հումանիտար նպատակներով (Մոսկվայի նախաձեռնությամբ) հրադադարի ժամանակավոր ռեժիմի պահպանման վերաբերյալ բոլոր երեք պայմանավորվածությունները, սակայն ադրբեջանական կողմն ամեն անգամ խախտել է դրանք:
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 2-ի ժամը 19։00-ի դրությամբ` հակառակորդի կրակոցների հետևանքով Արցախում զոհվել են 1177 զինծառայողներ։ Քաղաքացիական անձանց շրջանում կա 46 զոհ ու 142 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7095 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 251 անօդաչու սարք, 16 ուղղաթիռ, 25 ինքնաթիռ, 685 զրահատեխնիկա, 6 ՏՈՍ համակարգ։
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը
