ԵՐԵՎԱՆ, 3 նոյեմբերի – Sputnik․ Ռուսաստանի արտաքին գործերի նախարար Սերգեյ Լավրովը «Կոմերսանտ» պարբերականին տված գրավոր հարցազրույցում ասել է, որ ՌԴ իշխանությունները կանխել են հայերի և ադրբեջանցիների բախումները ՌԴ-ում։
«Իհարկե, Ռուսաստանի իշխանությունները քայլեր են ձեռնարկել կանխելու համար ադրբեջանցի և հայ մեր քաղաքացիների միջև բախումները Ռուսաստանի տարածքում», – ասել է նա։
Տավուշում հուլիսյան մարտական գործողություններին զուգահեռ աշխարհի տարբեր երկրներում` այդ թվում նաև Ռուսաստանում, հայ և ադրբեջանցի համայնքների միջև բախումներ են եղել։ Հուլիսի 24-ին Մոսկվայում ավելի քան 50 ադրբեջանցի էր բերման ենթարկվել հայերի վրա հարձակվելու համար։
