Արցախում պատերազմի այս օրերին աշխատող ՌԻԱ Նովոստիի լուսանկարիչ Իլյա Պիտալևն այցելել է Ստեփանակերտի ապաստարաններ, որտեղ ադրբեջանական հրթիռակոծությունից պատսպարվում են խաղաղ բնակիչները։ Ապաստարաններից մեկում նա հանդիպել է Արցախի թեմի առաջնորդ Պարգև արքեպիսկոպոս Մարտիրոսյանին և լուսանկարել նրան։
Ֆոտոշարքի լուսանկարներից մեկը մեծ տարածում է գտել համացանցում։
Լուսանկարից երևում է, որ Պարգև սրբազանը չգիտի, որ լուսանկարիչը հետևում է իրեն։
Սրբազանի հետևում տոպրակներով տարբեր իրեր, զինվորական հագուստ են երևում։ Նա նստած է սև աթոռին։ Առջևում մեկ այլ աթոռ է, որի վրա Սրբազանը դրել է ձեռքերը։
Նա խոնարհել է գլուխը, հենվել ձեռքերին և կարծես աղոթում է։
Օգտատերերը տարածում են լուսանկարն ու գրում. «Աստված իմ, օգնիր», «Թող որ աղոթքները տեղ հասնեն» և այլն։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 2-ի ժամը 19։00-ի դրությամբ` հակառակորդի կրակոցների հետևանքով Արցախում զոհվել են 1177 զինծառայողներ։ Քաղաքացիական անձանց շրջանում կա 46 զոհ ու 142 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7050 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 249 անօդաչու սարք, 16 ուղղաթիռ, 25 ինքնաթիռ, 675 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը
