Ավերված տներ, քանդված ճանապարհներ, փլված տանիքներ։ Հենց այդպիսի տեսք ունի Արցախի Մարտունի քաղաքը։ Wargonzo Telegram-ալիքը տեսանյութի միջոցով ներկայացրել է, թե ինչ տեսք ունի Մարտունին թռչնի թռիչքի բարձրությունից:
Կադրերում երևում է, թե ինչպես են ավերվել փողոցները, որոնք երկու կողմից խնամքով տնկված ծառերով են երիզված։ Փողոցները դատարկ են, տների մոտ նույնպես շարժ չկա։
Հայտնել էինք, որ երեկ` նոյեմբերի 1-ին, Մարտունին կրկին հրթիռակոծվել է Ադրբեջանի ԶՈւ–ի կողմից:
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 1-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6997 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 241 անօդաչու սարք, 16 ուղղաթիռ, 25 ինքնաթիռ, 669 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
