ԵՐԵՎԱՆ, 2 նոյեմբերի – Sputnik. ՀՀ մարդու իրավունքների պաշտպան Արման Թաթոյանն անդրադարձել է Ադրբեջանի ԶՈւ–ի կողմից Հայաստանի Հանրապետության Սյունիքի մարզի Դավիթ Բեկ բնակավայրի վրա կրակելու փաստին։
«Այսօր երեկոյան` ժամը 18։00-ի սահմանում, Ադրբեջանը կրակել է Սյունիքի մարզի Դավիթ Բեկ բնակավայրի ուղղությամբ։ 1 խաղաղ բնակիչ սպանվել է, 2 քաղաքացիական անձ վիրավորվել և տեղափոխվել հիվանդանոց, վնասվել են բնակիչների տները»,–գրել է նա։
ՀՀ ՄԻՊ–ը տեղեկացրել է, որ այս փաստն արձանագրվել է ինչպես Հայաստանի Մարդու իարվունքներով զբաղվող կազմակերպությունների, այնպես էլ տեղի համայնքային ղեկավարության կողմից:
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 2-ի ժամը 19։00-ի դրությամբ` հակառակորդի կրակոցների հետևանքով Արցախում զոհվել են 1177 զինծառայողներ։ Քաղաքացիական անձանց շրջանում կա 46 զոհ ու 142 վիրավոր։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 7050 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 249 անօդաչու սարք, 16 ուղղաթիռ, 25 ինքնաթիռ, 675 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:
Ում պետք չէ ռազմաճակատ տանել. պատմության դասերը
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը
