ԵՐԵՎԱՆ, 1 նոյեմբերի - Sputnik. Հայաստանում Ռուսաստանի դեսպանության մամուլի ծառայությունը Sputnik Արմենիային մեկնաբանել է տարածվող լուրերն առ այն, որ ադրբեջանա–թուրքական ագրեսիայի հետևանքով երկու ռուս սահմանապահներ են սպանվել։
29 հոկտեմբերի 2020, 00:34
«Տեղեկացնում ենք ձեզ, որ լուրը չի համապատասխանում իրականությանը։ Կոչ ենք անում լրատվամիջոցներին զգույշ և հավասարակշռված լինել նման տեղեկատվություն տարածելու հարցում», – ասել են դեսպանատնից։
Հավելենք, որ ավելի վաղ ՀՀ պաշտպանության նախարարության ներկայացուցիչ Արծրուն Հովհաննիսյանը նշել էր, որ ադրբեջանական ուժերը պարբերաբար փորձում են հարձակվել Կապանի և Մեղրիի ուղղությամբ ու հետ են շպրտվում. այդ գործողություններին ռուս սահմանապահները չեն մասնակցում։ ՌԴ սահմանապահ կետը գտնվում է Սյունիքի Ագարակ համայնքում։
