ԵՐԵՎԱՆ, 28 հոկտեմբերի – Sputnik. Ֆրանսիայի կառավարության պաշտոնական ներկայացուցիչ Գաբրիել Աթալը գործադիր մարմնի նիստից հետո հայտարարել է, որ Ֆրանսիան երբևէ չի հրաժարվի իր սկզբունքներից և արժեքներից։ Տեղեկությունը հայտնում է ՌԻԱ Նովոստին։
«Չնայած բոլոր ահաբեկումներին՝ Ֆրանսիան երբեք չի հրաժարվի իր սկզբունքներից և արժեքներից, մասնավորապես՝ կարծիքների արտահայտման ազատությունից և հրապարակումների ազատությունից»,-ասել է Աթալը։
Նա նշել է, որ վերջերս Ֆրանսիան բախվել է ահաբեկչության ահագնացող սպառնալիքի, որը սնվում է ատելության կոչերով։
Էրդողանի խոսքերից հետո Ֆրանսիան իր դեսպանին հետ է կանչել Թուրքիայից
Հիշեցնենք` Փարիզից ոչ հեռու գտնվող Կոնֆլան-Սենտ-Օնորին քաղաքում պատմության ուսուցիչ Սամյուել Պաթիի սպանությունից և Ֆրանսիայի նախագահ Էմանուել Մակրոնի հայտարարությունից հետո, որ երկիրը չի հրաժարվի Մուհամմեդ մարգարեի ծաղրանկարների հրապարակումից, որոշ մուսուլմանական երկրներում սկսել են ֆրանսիական արտադրանքը բոյկոտելու կոչեր հնչել։
Փարիզն արձագանքել է իսլամական մի քանի երկրների ՝ ֆրանսիական արտադրանքը բոյկոտելու կոչերին
