ԵՐԵՎԱՆ, 25 հոկտեմբերի – Sputnik. Երեկ Հայաստան ժամանած Ֆրանսիայի Հանրապետության խորհրդարանական պատվիրակությունn այսօր արդեն այցելել է Հայոց ցեղասպանության զոհերի հիշատակը հավերժացնող Ծիծեռնակաբերդի հուշահամալիր։ Ֆրանսիացի պատգամավորները հարգանքի տուրք են մատուցել 1915-ին զոհվածների հիշատակին և ծաղիկներ խոնարհել։
![Ֆրանսիացի պատգամավորներն այցելել են Ծիծեռնակաբերդ Ֆրանսիացի պատգամավորներն այցելել են Ծիծեռնակաբերդ - Sputnik Արմենիա](https://cdn.am.sputniknews.ru/img/07e4/0a/19/25054673_0:0:1600:1068_600x0_80_0_0_3f721e1d2dbdda4992b78da045859e46.jpg)
Նրանց ուղեկցում էին Ազգային ժողովի «Իմ քայլը» խմբակցության պատգամավոր Վլադիմիր Վարդանյանը, Հայաստանում Ֆրանսիայի արտակարգ և լիազոր դեսպան Ժոնաթան Լաքոտը և Ֆրանսիայում Հայաստանի արտակարգ և լիազոր դեսպան Հասմիկ Տոլմաջյանը: Այցելուներին դիմավորել է թանգարան-ինստիտուտի տնօրենի տեղակալ Լուսինե Աբրահամյանը:
Նշենք, որ ադրբեջանական կողմն արդեն իր դժգոհությունն է հայտնել պատգամավորների այցի առնչությամբ։
![Ֆրանսիացի պատգամավորներն այցելել են Ծիծեռնակաբերդ Ֆրանսիացի պատգամավորներն այցելել են Ծիծեռնակաբերդ - Sputnik Արմենիա](https://cdn.am.sputniknews.ru/img/07e4/0a/19/25054652_0:0:1600:1068_600x0_80_0_0_4cdb2d10d096536680aae12f6e2b7f48.jpg)
Հիշեցնենք, որ Nouvelle d’Arménie պարբերականի փոխանցմամբ՝ պատգամավորների 15 հոգամոց խումբը նաև այցելելու է Արցախ` տեղում ծանոթանալու ադրբեջանա–թուրքական ագրեսիայի հետևանքներին:
![Ֆրանսիացի պատգամավորներն այցելել են Ծիծեռնակաբերդ Ֆրանսիացի պատգամավորներն այցելել են Ծիծեռնակաբերդ - Sputnik Արմենիա](https://cdn.am.sputniknews.ru/img/07e4/0a/19/25054658_0:0:1600:1065_600x0_80_0_0_d65098537df8145ecb55eccf110e8c51.jpg)