ԵՐԵՎԱՆ, 24 հոկտեմբերի – Sputnik. ՀՀ պաշտպանության նախարարության պաշտոնական ներկայացուցիչ Արծրուն Հովհաննիսյանն այսօրվա ճեպազրույցի ժամանակ արցախա–ադրբեջանական հակամարտության գոտում տիրող իրավիճակը ներկայացրեց քարտեզի տեսքով։
Նկարում հարավային և հյուսիսային ուղղությամբ ադրբեջանական զինված ուժերի կողմից ժամանակավոր զբաղեցրած տարածքներն են։
Նա առանձին կետերով ցույց տվեց այն բնակավայրերը, որտեղ վերջին 2-3 օրերի ընթացքում իրականացվել են դիվերսիոն խմբերի ոչնչացման աշխատանքներ և հիմա էլ շարունակվում են։ Հովհաննիսյանը ներկայացրեց նաև այն հատվածը, որը մի քանի օր առաջ հակառակորդը մաքսիմում հարձակողական պոտենցիալով փորձել է հարավարևմտյան ուղղությունից հասնել Բերձոր, բայց հետ է մղվել այդ ուղղություններից։
«Քարտեզը փոփոխական է, մշտական չէ, քանի որ իրավիճակն արագ փոփոխվում է: Շատ տեղերում կարող է դիվերսիոն խումբ հայտնվել, ինչը հակառակորդի կողմից անմիջապես ներկայացվում է որպես հաջողություն, բայց այդ խումբը հաջորդ օրն իսկ կարող է հետ շպրտվել: Այնպես որ քարտեզը ստատիկ չէ», - ասաց Հովհաննիսյանը:
ՊՆ ներկայացուցիչը շեշտեց` մենք ներակայացնում ենք և՛ մեր հաջողությունները, և՛ դժվարությունները։
«Ո՛չ հաջողություններից է պետք ծայրահեղ ոգևորություն ապրել, որ ամեն ինչ շատ հեշտ է , հաղթանակը շատ մոտ է, Ադրբեջանի ուժերն արդեն ջախջախվել են, ո՛չ էլ դժվարությունների ժամանակ է պետք մտածել, որ մեր վիճակն անելանելի է կամ անհույս։ Հորդորում եմ ծայրահեղությունների մեջ չընկնել»,– եզրափակեց նա։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 24-ի ժամը 17։00-ի դրությամբ` հակառակորդի կրակոցների հետևանքով Արցախում զոհվել են 963 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
