ԵՐԵՎԱՆ, 23 հոկտեմբերի — Sputnik. Ազգությամբ ռուս զինծառայող Ալեքսանդր Նեչաևը զոհվել է Արցախում։ Տեղեկությունը հայտնում է Լեռնային Ղարաբաղի Պաշտպանության բանակը։
Ալեքսանդր Վասիլիի Նեչաևը ծնվել է 2001 թվականին Հայաստանի հյուսիսում` Լոռու մարզում գտնվող Լերմոնտովո գյուղում, որտեղ հիմնականում ռուս մոլոկաններ են ապրում։
Sputnik Արմենիայի հետ զրույցում նրա համագյուղացի Իվանը, որն այժմ ապրում ու աշխատում է Ռուսաստանում, հայտնեց, որ տղան ծանր պայմաններում է մեծացել․ նրան տատն է դաստիարակել։
«Մի քանի տարի նրանից մեծ եմ։ Ի՞նչ կարող եմ ասել... Նորմալ երեխա էր, լավ տղա։ Վատ չէր սովորում։ Առանց ծնողների է մեծացել, տատն էր դաստիարակում։ Մինչև բանակ գնալն աշխատում էր, մեզ մոտ բոլորն են այդպիսին` փոքրուց աշխատում են։ Մեր գյուղում էր աշխատում, ապա` Երևանում», - ասաց Իվանը։
Sputnik Արմենիայի հետ զրույցում Լերմոնտովոյի գյուղապետ Էդիկ Չախայանն ասաց, որ Ալեքսանդրի տատը ողջ է, գյուղում է ապրում։ Իսկ մորաքույրը Մոսկվայից եկել էր նրա հուղարկավորությանը։
Գյուղի ևս մեկ բնակիչ` զինծառայող Դմիտրի Շուտովը, վիրավոր է ու հիմա հիվանդանոցում է, նրա կյանքին վտանգ չի սպառնում։
Հիշեցնենք՝ Արցախում մարտական գործողությունների ընթացքում հայկական կողմից մահացել են ազգությամբ բելառուս Եվգենի Գորոդնիչին, ՀՀ ԶՈւ մայոր, օդաչու Վալերի Դանելինը նաև զորամասի հրամանատար, գնդապետ Վյաչեսլավ Վոսկովսկին:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 38 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
