ԵՐԵՎԱՆ, 22 հոկտեմբերի – Sputnik. Իրանի նախագահ Հասան Ռոհանին թուրք գործընկեր Ռեջեփ Թայիփ Էրդողանի հետ հեռախոսազրույցում հայտնել է ղարաբաղյան ճգնաժամը երկխոսության միջոցով կարգավորելու անհրաժեշտության մասին։ Տեղեկությունը հայտնում է ՌԻԱ Նովոստին՝ հղում անելով Իրանի նախագահի վարչակազմին։
«Մեր դիրքորոշումն այս հարցով շատ հստակ է. մենք վստահ ենք, որ պատերազմը խնդրի լուծման ճանապարհ չէ։ Իրավիճակը պետք է կարգավորվի երկխոսության ու բանակցությունների ճանապարհով»,- ասել է Ռոհանին։
Նա նաև նշել է, որ անհրաժեշտ է ապահովել Հայաստանին ու Ադրբեջանին սահմանակից իրանական քաղաքների անվտանգությունը։
Ռոհանին նշել է, որ Իրանն ու Թուրքիան Ռուսաստանի հետ կարող են նպաստել տարածաշրջանում խաղաղության ու կայունության հաստատմանը։
Իրանի ու Թուրքիայի նախագահներն անդրադարձել են նաև Սիրիայի հարցին։ Ռոհանին կողմ է արտահայտվել Աստանայի ձևաչափով համագործակցությունը շարունակելուն ու հույս է հայտնել, որ Սիրիայի ճգնաժամն ու տարածաշրջանում ահաբեկչական գործունեությունը կավարտվեն։
Ավելի վաղ Թեհրանն առաջարկել էր նպաստել ղարաբաղյան ճգնաժամի կարգավորմանը ՌԴ-Իրան-Թուրիա տարածաշրջանային նախաձեռնության շրջանակում։ Իրանի ԱԳՆ պաշտոնական ներկայացուցիչ Սայիդ Խատիբզադեն հայտնել էր, որ այդ նախաձեռնությունը լրացում է Ղարաբաղյան հակամարտության կարգավորմանն ուղղված` ԵԱՀԿ Մինսկի խմբի ջանքերին։
Ղարաբաղյան հակամարտությունը ռազմական լուծում չունի. Իրանի ԱԳՆ-ի հայտարարությունը
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 22-ի ժամը 17:00-ի դրությամբ` հակառակորդի կրակոցների հետևանքով զոհվել են 874 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:
Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
