Արցախի պաշտպանության բանակը նոր տեսանյութ է հրապարակել առաջնագծում կռվող քաջորդիների մասնակցությամբ։ Նրանք վստահեցնում են, որ կազմ ու պատրաստ են թշնամուն ոչնչացնելու համար։
«Մեր պապերը մեզ երկիր են թողել, պիտի պաշտպանենք, մեր անցյալը, մեր ջահելներին, պիտի պահպանենք մինչև վերջ»,–ասում է զինվորականներից մեկը։
Մյուսը հավաստիացնում է, որ եթե թիկունքն ամուր լինի, իրենք դիրքերում էլ ավելի ամուր կկանգնենք։
«Մեր տրամադրությունը մարտական է, բոլորս էլ պատրաստ ենք հակառակորդին համարժեք պատասխան տալ ու ոչնչացնել, իսկ մենք չենք պատրաստվում զոհվել։ Ուրախ ենք, որ մեր ժողովուրդը հավատով սպասում է մեր վերադարձին»,–ասում է մյուսը։
Տղաները միաձայն վստահեցնում են, որ պատրաստ են ամեն դժվար բան հաղթահարելու, հանուն ծնողների, երեխաների, մայրերի ու քույրերի, հանուն միասնական հայ ժողովրդի։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:
Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
