ԵՐԵՎԱՆ, 22 հոկտեմբերի — Sputnik. Միքայելյան համալսարանական հիվանդանոցը տեղեկացնում է, որ մասնագիտական պարտքը կատարելիս բժիշկ է զոհվել։
«Խորը վշտով տեղեկացանք Դիմածնոտային վիրաբուժության բաժանմունքի կլինիկական օրդինատոր Նարեկ Մեսրոպյանի մահվան մասին, ով մարտի դաշտում կատարում էր մասնագիտական պարտքը: Հիվանդանոցի անձնակազմը ցավակցություն է հայտնում ընտանիքի անդամներին, հարազատներին, ընկերներին»,–նշված է հիվանդանոցի Facebook սոցցանցի էջում։
Նշենք, որ ՀՀ ՊՆ ներկայացուցիչ Արծրուն Հովհաննիսյանը հոկտեմբերի 21-ին տված իր ասուլիսի ժամանակ ասել էր, որ հաճախ բժիշկները ոչ միայն աշխատում են կյանքեր փրկելու համար, այլև իրենք են հայտնվում կրակի տակ։ Նա նշել էր, որ գրանցվել են նաև դեպքեր, երբ հակառակորդի կողմից խոցվել են բուժօգնության ավտոմեքենաները։
Հիշեցնենք` հոկտեմբերի 9–ին հայտնի դարձավ, որ Արցախում վիրավոր զինվորին մասնագիտական օգնություն ցուցաբերելու ժամանակ զոհվել է Վիրաբուժական ուռուցքաբանության հայկական միության խորհրդի հիմնադիր Վահե Մելիքսեթյանը։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:
Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
