ԵՐԵՎԱՆ, 22 հոկտեմբերի - Sputnik. Ադրբեջանցի զինծառայողներն իրենց առաջնորդ Իլհամ Ալիևին հաճոյանալու և նրան նոր տարածքներ գրավելու կեղծ լուրեր հրամցնելու համար նոր տեսանյութ էին պատրաստել` կրկին անհաջող ֆոտոշոփով։ «Զինուժ Մեդիան» ադրբեջանական քարոզչամեքենայի հերթական կեղծիքը բացահայտող տեսանյութ է տարածել։
Ադրբեջանական զինված ուժերի կողմից տարածված տեսանյութի հետին պլանում «ծածանվում » է Ադրբեջանի դրոշը, բայց ուշադիր լինելու դեպքում կնկատեք, որ ադրբեջանական դրոշն ամենևին էլ բնական չէ, ընդ որում չափազանց անփույթ ֆոտոշոփի արդյունք է։
Տեսանյութում իբրև քամուց ծածանվում է դրոշը, մինչդեռ անշարժ են ծառերը, տերևները։ Կարելի է եզրակացնել, որ զինծառայողները կամ դրոշ չեն ունեցել ձեռքի տակ, որպեսզի տեղադրեն, կամ էլ չեն կարողացել այն հասցնել սյան գագաթին։
Փաստն այն է, որ նշված զինյալներն այլևս այնտեղ չեն. կամ փախուստի են դիմել, կամ ոչնչացվել են հայկական զինված ուժերի կողմից։
Հիշեցնենք`նախօրեին հակառակորդի զինվորներն իրենց գտնվելու վայրի և ենթադրյալ հաջողությունների մասին ավետում էին տեսաուղերձով, որն Ալիևն անմիջապես տարածեց իր Twitter-ում:
Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 21-ի ժամը 16:40-ի դրությամբ` հակառակորդի կրակոցների հետևանքով զոհվել են 834 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6459 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 23 ինքնաթիռ, 16 ուղղաթիռ, 202 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 580 տանկ և ՀՄՄ:
Այս տղերքն Արցախի հյուսիսային դիրքերն են պաշտպանում. հանգստի հազվադեպ րոպեները
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
