Սոցցանցերի հայկական տիրույթում օգտատերերն ակտիվորեն տարածում են մի տեսանյութ, որում հայ երիտասարդը Շուշիի Սուրբ Ղազանչեցոց կիսավեր եկեղեցում Ռոբերտ Ամիրխանյանի «Երազ իմ երկիր հայրենին» է երգում։
Երիտասարդը զինվորական համազգեստով է։ Տեսանյութը հուզել է հազարավոր մարդկանց։
Ավելի վաղ բելգիահայ թավջութակահար Սևակ Ավանեսյանը Շուշիի Սուրբ Ամենափրկիչ եկեղեցում նվագել էր Կոմիտասի «Կռունկը»։
Հիշեցնենք, որ հոկտեմբերի 8–ին թշնամին 2 անգամ թիրախավորեց և ավիահարվածներ հասցրեց Շուշիի Սուրբ Ամենափրկիչ եկեղեցուն։ Եկեղեցին կանգուն է, բայց ավերածություններ են գրանցվել։
Երկրորդ հարվածի ժամանակ 3 լրագրող է վիրավորել։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 21-ի ժամը 10:00-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները
