ԵՐԵՎԱՆ, 21 հոկտեմբերի — Sputnik. Ադրբեջանի նախագահ Իլհամ Ալիևը ժողովրդին հղած իր ուղերձում հայտնել է հայկական բանակի «Յարս» երկու հրթիռային համակարգերի ոչնչացման մասին։ Նրա ելույթը ներկայացրել է Sputnik Ադրբեջանը։
Շարքային ընթերցողի համար «Յարսերի» մասին լուրը կարող է սովորական թվալ ռազմաճակատից եկած լրահոսի մեջ։
Սակայն ռազմական ոլորտից մի փոքր հասկացող մարդը կզարմանա, իմանալով, որ փոքր հանրապետությունը, պարզվում է, միջմայրցամաքային բալիստիկ հրթիռներ ուներ, որոնք կարող են միջուկային մարտագլխիկներ կրել։
Իրավիճակի անհեթեթությունը ավելի լավ հասկանալու համար պետք է պարզապես նշել, որ РС-24 «Յարս» միջմայրցամաքային բալիստիկ հրթիռը մշակվել է РС-12М2 «Տոպոլ – Մ» հրթիռի հիման վրա։ Դրա թռիչքի առավելագույն հեռավորությունը 11-12 հազար կիլոմետր է։
Այն 47 տոննա կշիռ ունի ու կարող է 1,3 տոննա կշռող մարտագլխիկներ կրել։ Այդ նորագույն հրթիռային համալիրի շատ բնութագրեր գաղտնի են։ Միայն մի քանի երկիր այդ զենքն ունի՝ Ռուսաստանը, ԱՄՆ-ը, Չինաստանը, Ֆրանսիան։
Նախիջևանի ուղղությամբ որևէ հրթիռ չի արձակվել. ՀՀ ՊՆ–ն հերքել է Ադրբեջանի հերթական սուտը
ՀՀ պաշտպանության նախարարությունը չէր կարող չարձագանքել Հայաստանում «Յարս» միջցամաքային բալիստիկ հրթիռի «առկայությանը»։ ՊՆ պաշտոնական ներկայացուցիչ Արծրուն Հովհաննիսյանը անկեղծորեն զարմացրել է այդ լուրից։
«Այ բալամ, հազար ասինք քեզ խաբում են։ Մեկ Հադրութ են գրավում մեկ չգիտեմ ինչ, հիմա էլ քեզ զեկուցել են հայկական բանակի խոցված զենքերի տեսակները։ Հազար ասինք մենք «Ուրագան» չունենք։ Բայց դա հեչ, պարզվում է մենք միջմայրցամաքային բալիստիկ «Յարս» հրթիռ ունեինք, բայց չգիտեինք», - գրել է Հովհաննիսյանը Facebook-ի իր էջում։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 21-ի ժամը 10:00-ի դրությամբ` հակառակորդի կրակոցների հետևանքով զոհվել են 772 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6309 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 200 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 576 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները
