ԵՐԵՎԱՆ, 19 հոկտեմբերի – Sputnik. ՀՀ ՊՆ ներկայացուցիչ Արծրուն Հովհաննիսյանը հայտնում է, որ հայ կանանց կամավորական ջոկատում արդեն 100 կին է գրանցվել։ Բայց դիմողներ էլի կան։
«Նարի Սյունին ու Նարե Խլղաթյանը կանանց ջոկատ են կազմել, արդեն 100 հոգի գրանցվել է, կան բազում դիմումներ։ Իրենք` մեր դուստրերը, մեր քույրերը, մեր պատիվն են։ Հենց իրենցով էլ հաղթելու ենք»,– Facebook-ում գրել է Հովհաննիսյանը։
«Թող իմանան` մենք ողջ ենք, լավ ենք». առաջնագծի տղաների` ժպիտ պարգևող լուսանկարները
Հիշեցնենք` Նարի Սյունին ու Նարե Խլղաթյանը ՀՀ ՊՆ Վազգեն Սարգսյանի անվան ռազմական համալսարանի ուսանողուհիներ են, որոնց դասավանդողների թվում է նաև Արծրուն Հովհաննիսյանը։
Գրավել են հակառակորդի դիրքը, ականապատել ու դուրս եկել. մի շարք զինծառայողներ կպարգևատրվեն
Այն մասին, որ իր ուսանողուհիները կանանց ջոկատ են կազմում, Հովհաննիսյանը հայտնել էր հոկտեմբերի 17-ին։ Նա նաև նշել էր, որ մի գեղանի օրիորդ թախանձագին խնդրում էր իրեն մահապարտի հանձնարարություն տալ։
Հովհաննիսյանը կոչ էր արել այդ հայուհուն արժանի երիտասարդներ լինել, միանալ գոյության պատերազմին։
Կինը 6 ամսական երեխային թողել է ու եկել պատերազմ. Հովհաննիսյան
