ԵՐԵՎԱՆ, 18 հոկտեմբերի - Sputnik. ԱՄՆ նախագահ Դոնալդ Թրամփն անհարմար իրավիճակում է հայտնվել։ Նա շփոթել է Ֆրանսիայի նախագահ Էմանուել Մակրոնի պաշտոնը և նրան վարչապետ անվանել։ Այս մասին գրում են ամերիկյան լրատվամիջոցները:
«Ես շատ եմ սիրում վարչապետ Մակրոնին», - Միչիգանում կայացած հանրահավաքի ժամանակ իր ելույթում ասել է Թրամփը` անդրադառնալով Փարիզյան կլիմայական համաձայնագրին:
Թրամփի խոսքով` ինքը մի անգամ հարցրել է Մակրոնին, թե ինչպես են ընթանում այդ համաձայնագրի հետ կապված գործերը, և պարզել, որ գործերն այնքան էլ լավ չեն։
Հիշեցնենք` Ֆրանսիայի վարչապետը Ժան Կաստեկսն է, որը պաշտոնը ստանձնել է 2020 թվականի հուլիսի 3–ին։
Հավելենք, որ 2015 թվականի դեկտեմբերի 12-ին Փարիզում աշխարհի առաջնորդները կլիմայի վերաբերյալ նոր համաձայնագիր ընդունեցին, որով որոշվեց զսպել մթնոլորտի գլոբալ միջին ջերմաստիճանի բարձրացումը նախաարդյունաբերական շրջանի (1850թ.) ջերմաստիճանի նկատմամբ 2 աստիճան Ցելսիուսի սահմաններում՝ միաժամանակ ձգտելով 1.5 աստիճանի:
ՀՀ Ազգային ժողովը 2017 թվականի փետրվարի 9-ին միաձայն վավերացրել է Փարիզյան կլիմայական համաձայնագիրը։
«Օբաման մրցանակը հենց այնպես է ստացել»․ Թրամփը քննադատել է նախորդ նախագահին
