ԵՐԵՎԱՆ, 16 հոկտեմբերի – Sputnik. Արցախի մարդու իրավունքների պաշտպան Արտակ Բեգլարյանը տեղեկացնում է, որ երեկ երեկոյան ադրբեջանական զինված ուժերը շարունակել են թիրախավորել խաղաղ բնակչությանը։
«Գիշերվա ընթացքում Ադրբեջանը շարունակել է թիրախավորել Մարտունու Կարմիր շուկա համայնքը` այնտեղ կիրառելով «Սմերչ» կասետային ռումբ։ Արդյունքում ևս մեկ մարդ է զոհվել։ Կա նաև մեկ վիրավոր»,–Twitter–ի իր էջում գրել է Բեգլարյանը։
Tonight #Azerbaijan continued targeting #Artsakh/#Karabakh civilian populated areas with heavy missiles.
— Artak Beglaryan (@Artak_Beglaryan) October 16, 2020
In Karmir Shuka village they used #cluster Smerch rocket as a result of which one more civilian was killed & another was wounded.
Overall 34 civilian & 2 war prisoner deaths.
Նա հայտնել է նաև, որ խաղաղ բնակչության շրջանում ընդհանուր առմամբ 34 զոհ կա արդեն իսկ, ինչպես նաև երկու գերի է գնդակահարվել։
Ինչպես արդեն տեղեկացրել ենք, հոկտեմբերի 15-ի լույս 16-ի գիշերը` հատկապես լուսադեմին, թշնամին հրետանու կիրառմամբ ինտենսիվ կրակ է բացել Մարտունի քաղաքի և Կարմիր Շուկա բնակավայրի ուղղությամբ, իսկ առավոտյան` Բերդաշեն համայնքի ուղղությամբ։ Հրետակոծվել են Հադրութի շրջանի Տող, Քաշաթաղի շրջանի Տիգրանավան, Այգեհովիտ և Աղավնո բնակավայրերը։
Ցանկալի է, որ Ղարաբաղի ավերածությունները տեսնեն նաև դիվանագետները. Նիկոլ Փաշինյան
Հիշեցնենք, որ երեկ` հոկտեմբերի 15–ին, թշնամին «Սմերչով» հրթիռակոծել էր Մարտունու Կարմիր շուկա համայնքը։ Կրակից վնասվել էր բնակիչներից մեկի ավտոմեքենան, իսկ վարորդը մահացել էր։ Կարմիր շուկան երեկ թիրախավորելու արդյունքում, փաստորեն, քաղաքացիական բնակչության շրջանում գրանցվել է 2 զոհ։
