ԵՐԵՎԱՆ, 16 հոկտեմբերի - Sputnik. Հայաստանում Ռուսաստանի դեսպան Սերգեյ Կոպիրկինը զրուցել է դեսպանատան դիմաց հավաքված հայ զինծառայողների մայրերի հետ։ Տեղեկությունը հայտնում է ՀՀ-ում ՌԴ դեսպանատունը։
Կանայք դեսպանատան դիմաց ակցիա էին իրականացնում` կոչ անելով Ռուսաստանին օգնել դադարեցնել պատերազմը Արցախում։
«Ռուսաստանի դեսպանը հանդիպել է ցուցարարների հետ և խորին ցավակցություն հայտնել բոլոր այն մայրերին, ովքեր կորցրել են իրենց որդիներին: Դեսպանը նշել է, որ հայ և ադրբեջանցի ժողովուրդների ողբերգությունը Ռուսաստանն ընկալում է որպես սեփականը: Այդ պատճառով Ռուսաստանը իսկապես տիտանական ջանքեր է գործադրում ռազմական գործողությունները դադարեցնելու և բանակցային գործընթացը վերսկսելու համար», – գրված է հաղորդագրությունում։
Դեսպանատունը վկայակոչում է Հայաստանի վարչապետ Նիկոլ Փաշինյանի` հայ ազգին ուղղված իր վերջին ուղերձում հատուկ շնորհակալությունը Ռուսաստանին: ՀՀ–ում ՌԴ դեսպանատունը պարադոքսալ է որակում այն, որ ցուցարարները պահանջում են պատերազմը դադարեցնել մի երկրից, որը գործնական քայլեր է կատարում դրա ուղղությամբ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում
